Ինչպես բուժել գլխուղեղի ցնցումը

Ի՞նչ ախտանիշներով է արտահայտվում գլխուղեղի ցնցումը և ինչպես այն բուժել ժողովրդական բժշկության միջոցներով:

Ա.Սարգսյան, ք.Երևան

Գանգուղեղային վնասվածքների ամենատարածված ձևերից մեկը գլխուղեղի ցնցումն է: Որպես կանոն, դրա պատճառ կարող են դառնալ կենցաղային, սպորտային վնասվածքները, նաև ճանապարհա-տրանսպորտային պատահարները:

Գլխուղեղի ցնցման ախտանիշներն են`  սրտխառնոցը, փսխումը, գլխապտույտները, դանդաղած կամ արագացած պուլսը, շնչառության խանգարումները, կարճ ժամանակով գիտակցության կորուստը, սիրտ-անոթային համակարգի գործունեության վատացումը:

Գլխուղեղի ցնցման դեպքում հիվանդին հանգիստ է անհրաժեշտ: Անկողնային ռեժիմ է նշանակվում` 3-10 օր, պայմանավորված ստացած վնասվածքի ծանրությամբ:

Գլխուղեղի ցնցման կասկածի դեպքում անհրաժեշտ է հիվանդին անմիջապես հիվանդանոց տեղափոխել` հետազոտման նպատակով և միայն դրանից հետո կարելի է տնային կամ ստացիոնար պայմաններում բուժումը սկսել:

Գլխուղեղի ցնցման դեպքում առաջարկում  ենք ժողովրդական բժշկության մի քանի բաղադրատոմսեր:

• 100 -ական գրամ առյուծագիի, մեղվախոտի և դաղձի վրա լցնել 2 բաժակ եռացրած ջուր և թողնել ամբողջ գիշեր թրմվի: Առավոտյան քամել և թուրմն ընդունել օրական 4 անգամ, 0,5 թեյի բաժակ:
• Գլխուղեղի ցնցումից հետո վերականգնման գերազանց միջոց է գայլուկի կոների, դաղձի տերևների,  բեկտենու և կատվախոտի արմատների, մեղվախոտի 10-ական գրամ հավաքածուն: Այս խառնուրդից վերցնել 2 ճաշի գդալ, ավելացնել 1 բաժակ եռացրած ջուր, 15 րոպե թրմել, քամել և ընդունել օրական 4-6 անգամ, քնելուց առաջ:

Բարդություններից խուսափելու համար կօգնի հետևյալ միջոցը: 2 ճաշի գդալ սրոհունդի վրա լցնել 1 բաժակ ջուր, մարմանդ կրակի վրա եփել, հասցնելով եռման աստիճանի, թողնել 0,5 ժամ թրմվի, ապա քամել: Թուրմն ընունել օրական 3 անգամ, 1/3 թեյի բաժակ, ուտելուց հետո:

Հարցեր, պատասխաններ, մեկնաբանություններ